Aðventustund í Grasagarði Reykjavíkur

Aðventustundir leikskólabarna í Grasagarði Reykjavíkur

Eins og undanfarin ár býður Grasagarðurinn leikskólabörnum að heimsækja garðskálann á aðventunni. Skálinn er skreyttur jólaljósum og í lystihúsinu er jatan á sínum stað. Jólatré eru bæði inni og úti svo kjörið tækifæri gefst fyrir börn og fullorðna að brýna raustina við jólasöngvana. Börnin geta haft með sér nesti og borðað í skálanum. Svo er tilvalið að taka með sér skemmtilega jólabók og lesa saman yfir kakóbolla.

Hægt er að fá heitt vatn í kakóið á staðnum en skólarnir koma sjálfir með bolla, teskeiðar, annað nesti og þess háttar. 

Tekið er á móti pöntunum hjá Björk, verkefnastjóra Grasagarðsins, í síma 411-8650.

Aðventustundirnar eru alla virka daga aðventunnar, 17. nóvember – 22. desember, fyrir hádegi (kl. 9-12) eða eftir hádegi (kl. 13-15).

Athugið að garðskálanum er lokað kl. 15.

Það sem þarf að taka fram er:

• Dagsetning og klukkan hvað óskað er eftir að koma
• Fjöldi barna og starfsmanna
• Hvort óskað sé eftir heitu vatni

Verið velkomin í Grasagarðinn!