Heimsókn á Bókasafn Kópavogs

Leik- og grunnskólanemendur eru velkomnir í heimsókn á veturna í kynningar og fræðslu. Fræðslan er með tengingu við aðalnámskrá grunnskólanna og er áhersla lögð á sköpun, tjáningu, miðlun, sjálfstæði, samvinnu og gagnrýna hugsun. Þar að auki eru sögustundir fyrir leikskólana alltaf í boði yfir vetrartímann. Einnig er samstarf við framhaldsskóla á höfuðborgarsvæðinu. Velkomið er að bóka tíma í fræðslu á safninu og tekur starfsmaður þá á móti þeim og kynnir safnið og hvað í boði er. Frekari upplýsingar um Bókasafn Kópavogs er að finna á bokasafn.kopavogur.is og hægt er að bóka fræðslu í bokasafn@kopavogur.is.