Heimurinn heima

Hvernig heimili myndir þú hanna fyrir geimfara með áhuga á kökubakstri sem á þrjár kanínur sem gæludýr?

„Heimurinn heima“ er fræðsluverkefni þar sem nemendur setja sig í spor hönnuða og vinna í sameiningu að híbýli fyrir ímyndaðan íbúa. Smiðjan er leidd af vöruhönnuðunum Kristínu Maríu Sigþórsdóttur og Auði Ösp Guðmundsdóttur í tengslum við yfirstandandi fastasýningu safnsins, „Hönnunarsafnið sem heimili“. 

Í smiðjunni kynnast nemendur grunnhugtökum í innanhússhönnun og eiga samtal um heimili. Bekkurinn fær líkan að húsi og aðgang að „nammibar“ - stútfullum af girnilegum efnivið sem nýta má í módelgerð. Nemendur þjálfast í hugarflugi og að útfæra hugmyndir sínar í skala. Síðast en ekki síst æfa nemendur skapandi og lausnamiðaða hugsun í samtali og samvinnu. 

Bókanir og nánari upplýsingar: boelin@honnunarsafn.is
 

Umsagnir nemenda: 

„Þetta er besta, frábærasta og fjölbreyttasta safn í öllum heiminum. Ef það væri annað safn að reyna, þá myndi það samt bara ekki takast.“

Umsagnir kennara: 

„Það er svo vel tekið á móti hópum hérna, þetta er algjör lúxus!“

Nánar um Hönnunarsafnið: www.honnunarsafn.is