Loftslagsbreytingar

Vatnið í náttúru Íslands | 2. hæð Perlunnar

1. - 10. bekkur

Við fjöllum um loftslagsbreytingar með áherslu á jökla, hvernig þeir gefa okkur mikilvægar upplýsingar um þær og áhrifin sem bráðnun þeirra hefur á jörðina. Einnig er tekið fyrir munurinn á veðri og loftslagsbreytingum og hvernig loftslagsbreytingar tengjast veðrinu.

Markmið heimsóknarinnar er að nemendur fræðist um loftslagsbreytingar og hvernig þær hafa áhrif á þróun náttúrunnar á Íslandi en jafnframt hvernig þær hafa áhrif annars staðar í heiminum. Auk þess er markmiðið að kynna jökla Íslands fyrir nemendum með sérstakri áherslu á Vatnajökul og Vatnajökulsþjóðgarð.

Heimsóknin tekur um klukkustund og miðað er við að hópar séu ekki stærri en sem nemur einum bekk, eða um 25 nemendur.

Fræðsla er ókeypis fyrir skólahópa og heimsóknin er sniðin að hverjum aldurshópi fyrir sig. Skráning fyrir heimsóknir á sýninguna Vatnið í náttúru Íslands á 2. hæð Perlunnar fer fram á bókunarsíðu Náttúruminjasafnsins. 

Frekari upplýsingar um fræðsluleiðina má finna á heimasíðu safnsins og hjá safnkennurum á netfanginu kennsla@nmsi.is og í síma 5771800. Á Fróðleiksbrunninum, nýrri fræðslusíðu Náttúruminjasafnsins má finna náttúrufræðslu og verkefni sem kjörið er að nýta til undirbúnings og eftirfylgni í tengslum við heimsóknina.