Norræna húsið og Norrænu löndin

Norræna húsið leggur áherslu á skapandi fræðslu, samveru og vandaða miðlun norrænna lista og menningar til barna og ungmenna. Gæðastundir fyrir fjölskyldur, skipulagðar skólaheimsóknir og sérsniðnir viðburðir eru í boði allan ársins hring. 

Fræðsla um Norðurlöndin er hluti af námskrá 6. bekkja á Íslandi og er stefna Norræna hússins að bjóða nemendum viðbótarfræðslu við námsefnið með áherslu á listir og menningu.  

Við bjóðum uppá leiðsagnir um Norræna húsið og Norrænu löndin sem henta öllum aldurshópum. Einnig er í boði sérstök leiðsögn fyrir 15. ára og eldri sem fjallar sérstaklega um Norrænt samstarf.