Sjónarafl - þjálfun í myndlæsi

Sjónarafl - þjálfun í myndlæsi
 

Því lengur sem við horfum á listaverk, því meira sjáum við!

Listasafn Íslands kynnir nýtt fræðsluverkefni sem ber heitið Sjónarafl – þjálfun í myndlæsi. Verkefnið miðar að því að auka þekkingu og skilning nemenda á myndlist og sjónrænum menningararfi þjóðarinnar. Myndlæsisþjálfun býður upp á samþættingu margra ólíkra greina og snertir þannig á hæfniviðmiðum úr ólíkum námsgreinum: sjónlistum, íslensku og samfélagsgreinum. Þá tengist Sjónarafl beint inn í hæfniviðmið Aðalnámskrár grunnskóla fyrir lykilhæfni tjáningar og miðlunar, auk skapandi og gagnrýnnar hugsunar.

Verkefninu fylgir rafrænt kennsluefni en einnig fer það fram í formi heimsókna á Listasafn Íslands.

Nánari upplýsingar um Sjónarafl og skráning til þátttöku í netfangið mennt@listasafn.is