Vorferð fyrir grunnskóla á Árbæjarsafn. Í boði 17. maí - 10. júní

Árbæjarsafn |  Borgarsögusafn Reykjavíkur 

1.-7. bekkur

Fræðsla, leikir og fjör!

Oft hentar betur að koma með heilan árgang í heimsókn á safn og þá gjarnan rétt fyrir skólalok á vorin. Við bjóðum upp á skemmtilegar og fræðandi vorheimsóknir þar sem útivera í einstöku og öruggu umhverfi safnsins er í aðalhlutverki. Hópnum er skipt niður á stöðvar og  allir fá að prófa. Nemendur kynnast vatnsburði úr gamla tímanum, fræðast um sögu hluta og húsa í gegnum ratleik og fara í gamla og góða útileiki.

Á vestanverðu safnsvæðinu er Lundurinn þar sem er góð grillaðstaða og bekkir til þess að sitja við. Við bjóðum því hópum að grilla og borða nesti ef áhugi er fyrir.

Vinsamlegast athugið að gert er ráð fyrir að heimsóknin sé ekki lengur en 2 klst. Ef áhugi er fyrir lengri heimsókn bendum við á að fara eitt skref til baka og bóka Ævintýraeyjan Viðey - 5klst.

Miðað er við að hópar séu ekki stærri en sem nemur þremur bekkjum eða um 60 nemendur.

Tekur um 1-2 klst.

Bókanir og nánari upplýsingar á borgarsogusafn.is/safnfraedsla eða í gegnum safnfraedsla@reykjavik.is